Меркі ауданы «Жүніс молда» мешітінің ұстазы Есеналиев Еламанның ұйымдастыруымен мешіт шәкірттері арасында футбол турниры өткізілді.

Турнирге  6  топ қатысты. Турнир барысында әр ойын қызулы болды. Алаңда шәкірттердің жігері мен жеңіске деген ұмтылыстары ерекше байқалды. Ойыншылар командалық рухты көрсетіп, бір-біріне пас беріп, өз қақпаларына доп жіберіп алмау үшін бар өнерін салды.  Бірнеше ойындар тең аяқталды, ал кейбіреулері қарсылас команданың соңғы минуттардағы голымен шешілді.

Турнир нәтижесі бойынша жүлделі 1ші орынды «Қыран» тобы иеленді. 2 ші орынға «Балуандар» тобы жайғасты. 3 ші орынды «Жалын» тобы қанағат тұтты. Бұған қоса жарыс барысында ерекше ойынымен көзге түскен ойыншылар «Үздік сұр мерген, үздік шабуылшы, үздік қорғаушы, үздік қақпашы» номинациясымен марапатталды.   

Мешіт шәкірттерінің арасында өткен бұл футбол турниры тек спорттық шара ғана емес, ауызбіршілік пен достықты нығайтудың айғағы болды. Ойын алаңындағы бәсеке қызулы болғанымен, ойыннан кейін барлық шәкірттер бір-бірімен құшақтасып, құттықтасып, қол алысты.

Жеңімпаздарды құттықтаймыз, ал барлық қатысушыларға алғыс білдіреміз!

Меркі аудандық «Меркі ата» мешітінің баспасөз қызметі