Мешіт шәкірттері арасында  өткен футбол ойыны тек спорттық бәсекемен ғана шектелмей, қоғамдық маңызы зор тазалық іс-шарасына ұласты. Ойын аяқталған соң, ойынға қатысушылар сенбілік ұйымдастырып, ойын  алаңы мен оның айналасын тазартты.

Мұндай шаралар жастар арасында табиғатқа деген сүйіспеншілікті оятуға және қоғамдық белсенділікті, сондай-ақ азаматтық жауапкершілікті арттыруға бағытталған.

Игі іс-шара барысында мешіт ұстазы:  «Ислам – тазалыққа негізделген дін. Жинақылық пен тазалыққа ұмтылу – әрбір мұсылманның жауапкершілігі Спорт – тек денсаулық кепілі ғана емес, ол тәрбие құралы. Қай жерде ойнасақ та, артынан тазалап кетуді әдетке айналдыруымыз керек, бұл – мәдениеттің, тәрбиенің, имандылықтың белгісі,» – деп шәкірттерге насихат айтты

Сенбілікке қатысқан жастар өз қолдарымен жұмыс істеудің, қоршаған ортаға қамқорлық танытудың маңызын түсінгендерін жеткізді. Шара соңында қатысушылар бірге естелік суретке түсіп, алдағы мұндай спорт пен тәрбие үйлескен кездесулердің жиі өткізіліп тұруын қолдайтындарын жеткізді.

Меркі аудандық «Меркі ата» мешітінің баспасөз қызметі