Меркі ауданы, Тәтті ауылы «Тәтті» мешітінде ауқымды тазалық жұмыстары жүргізілді. Шара аясында мешіт ішіндегі кілемдер жуылып,мешіт қабырғалары ақталып, мешіт аумағы толық тазартылды.

Игі іс-шараға мешіт қызметкерлерімен қатар, ерікті жамағат мүшелері де белсенді түрде атсалысты. Бірлік пен ұйымшылдықтың үлгісін көрсеткен жамағат мешіттің әр бұрышын мұқият тазартып, қасиетті орынды айрықша ұқыптылықпен ретке келтірді.

Мешіттің таза әрі көркем болуы – жамағат мәдениетінің, мұсылманның иманының айнасы. Мұндай игі істер жамағатты біріктіреді, жастарға үлгі болады және мешіттің рухани әрі тәрбиелік қызметін арттыра түседі. 

Меркі аудандық «Меркі ата» мешітінің баспасөз қызметі