Алланың разылығын көздеген ізгі жандар Тараз қаласындағы «Тұрғани» мешітінде ұшыр тарату шарасын ұйымдастырды. Қайырымдылық ниетпен өткен игі іс-шара аясында 50 отбасыға қап-қап картоп үлестіріліп, көмекке мұқтаж жандардың алғысына бөленді.
Бұл — дініміздегі береке мен бөлісудің жарқын көрінісі. Әрбір тарту — жай ғана азық емес, жүректен шыққан шынайы жанашырлықтың белгісі. Мұқтажға медет болған жомарт жандар мен осы бастамаға демеушілік еткен жамағатқа халық ризашылығын білдіріп, ақ батасын берді.
«Әулие ата» мешітінің баспасөз қызметі.







