Сарысу: ҚҰРАН – ЖҮРЕКТЕРДІҢ НҰРЫ

Сарысу: ҚҰРАН – ЖҮРЕКТЕРДІҢ НҰРЫ

User Rating: 5 / 5

Star ActiveStar ActiveStar ActiveStar ActiveStar Active
 

Алланың кәләмі – Құран Кәрімді оқу, жаттау әрі мәнерлеп жеткізу – мұсылманның жүрегін тәрбиелейтін, иманын нығайтатын ұлы істердің бірі. Осындай асыл мақсатты көздеген игі шара Сарысуда аудан көлемінде жүзеге асты.

Аталмыш құран жарысы Сарысу аудандық орталық мешітінің ұйымдастыруымен өткізілді. Шараны жүргізу аудандық орталық мешіттің наиб имамы Абибулла Әлинұрға бұйырды. Жарыстың басты ерекшелігі – Құранды ұлықтау арқылы жас буынның діни сауатын арттыру және олардың Құранға деген сүйіспеншілігін ояту. Бұл дода екі негізгі номинация бойынша өткізілді: 1. Жарты параны жатқа оқу 2. Құранды мәнерлеп оқу

Қазылар алқасы құрамында Сарысу ауданының бас имамы Айбек Амангелдіұлы, наиб имам Амирхан Жанғали және Сарысу медресесінің ұстазы Арса Абдулхаким сынды өз саласының білімді де білікті мамандары әділ бағаларын беріп отырды. Жас қарилардың Құран оқудағы ықыласы, тәртіп пен әдепке деген құрметі көрермен қауымды тәнті етті. Әрбір қатысушы сахнаға шыққанда жүрегінен төгілген аяттар зал ішін ерекше рухани ләззатқа бөлеп отырды.

Жеңімпаздарға арнайы марапат пен сыйлық табысталды. Қалған қатысушылар да түрлі номинациялар бойынша марапатталып, ынталандыру сыйлықтарына ие болды. Құран жарысы – тек бәсеке емес, жүрекке Алланың сөзін дарыту, жас ұрпақты имандылыққа баулу, дін мен дәстүр сабақтастығын нығайту жолындағы ізгі қадам. Алдағы уақытта да мұндай рухани іс-шаралар жалғасын табады деген үміттеміз.

ҚҰРМЕТТІ ОҚЫРМАН! ОСЫ ТАҚЫРЫПҚА БАЙЛАНЫСТЫ ПІКІРІҢІЗДІ БӨЛІСЕ ОТЫРЫҢЫЗ.
Жаңалықтардың астында қалдырылған комментарийлер мазмұны asyldin.kz рухани ағарту порталында редакцияланбайды. Сайт комментарийлердің пішіні мен мазмұнына жауап бермейді. Пікір білдірерде тәртіп сақтауды сұраймыз!
пікірлер (0)

Оқи отырыңыз: