Тараз қаласындағы “Ар-Рахман ар-Рахим” мешітінде ерекше рухани іс-шара өтті. Қазақстан Мұсылмандары Діни Басқармасына (ҚМДБ) қарасты бұл мешіттің әйелдер секторында ұстаз Зора Айдарованың жетекшілігімен Фиқһ, Ақыда, Ахлақ және Сира пәндері бойынша жылдық қорытынды емтихан ұйымдастырылды.

Бір жыл бойы діни біліммен сусындап, жан-жақты дайындалған шәкірт қарындастарымыз бұл сынақта терең білімдері мен шынайы ыждаһаттарын көрсете білді.

Шара соңында оқушыларға арнайы мақтау қағаздары табысталды. Бұл – олардың адал еңбегінің лайықты бағалануы ғана емес, келешекте де діни білімге деген ынтасын арттыра түсетін рухани қолдау.

Ұстаз Зора Айдарова шәкірттеріне ризашылығын білдіре отырып, ислам ілімін меңгеру – әрбір мұсылман әйелдің өміріндегі маңызды қадам екенін атап өтті.

Тараз қалалық “Әулие Ата” мешітінің баспасөз қызметі.