Жамбыл облысы Байзақ ауданының бас имамы Қанат Әділханұлы Сарыбарақ ауылы «Темірбек баба» мешітінде халықпен кездесіп, «Адал еңбек еткенің – Алла жолында жүргенің» тақырыбында насихат айтты.

      Қанат Әділханұлы насихатында: «Ислам дінінде еңбек ету – ақша табу тәсілі ретінде ғана емес, құлшылық ретінде де бағаланады. Себебі, біздің өмірімізде бәрі өзара байланысты: рұқсат етілмеген қызмет, еңбек түрі (мысалы, өсімқорлық) арам табысқа әкеледі, ал ол өз кезегінде біздің асқазанымыз арқылы бойымызға тарап, түптің-түбінде біздің барлық құлшылығымызға кері әсерін тигізеді. Демек, бастапқы ниетіміз – қызметіміз немесе тапқан ақшамыздың көлемі емес, Алланың разылығы болуы тиіс. Сонда біздің істеген ісіміз өніп, адал еңбегіміз арқылы тапқан табысымыз біздің үйімізге жай ғана материалдық әл-ауқат қана емес, береке алып келері ақиқат», - деді.