Шу қаласындағы "Кәрібай молда" мешітінде жазғы діни сауат ашу курсына қатысып жүрген шәкірттерге арналған игі шара ұйымдастырылды. Жұма күніне орай арнайы жайылған дастархан басында мешіт ұстазы Ғалия Байториева шәкірттерге имандылықтың мәні мен адамгершілік қасиеттер жайында тағылымды уағыз айтты.

Жылы жүздесу барысында бүлдіршіндер рухани нәр алып, сұрақтарына жауап алды. Жастардың бойына діни біліммен қатар тәрбиелік құндылықтарды сіңіру мақсатында өткен бұл жиын — жазғы курс бағдарламасының бір бөлігі ретінде маңызды рөл атқаруда.

Шу аудандық «Жәми» мешітінің баспасөз қызметі.