ҚМДБ-ның Жамбыл облысы бойынша бас имамы Асқар Зәкіржанұлы Жуалы ауданына іссапармен барып, аудан әкімімен кездесу өткізді. Кездесуге Жуалы ауданының бас имамы Ғалымжан Қабылбекұлы мен «Һибатулла Тарази» мешітінің ұстазы Әбдіқадір Сейтқали де бірге барды.

Кездесу барысында өңірдегі діни ахуал, рухани тәрбиенің өзектілігі, халықтың діни сауатын арттыру және дін мен дәстүр үндестігін нығайту бағытында пікір алмасылды.

Аудан басшысы кездесуде бас имамға жазушы, қоғам қайраткері Шерхан Мұртазаның «Бір кем дүние» атты кітабын сыйға тартып, бұл еңбектің рухани маңызына тоқталды. 

Асқар Зәкіржанұлы ел ішіндегі діни тұрақтылықты сақтау мен имандылықты насихаттауда жергілікті билікпен өзара әріптестік негізінде жұмысты жалғастыру қажеттігін атап өтті.

"Һибатулла Тарази" мегітінің баспасөз қызметі