Жамбыл облысы Байзақ ауданы Ынтымақ ауылдық округі Мәдімар  ауылдық мәдениет үйінде «Құдайы аста ысырапқа жол бермеу (тәртібі мен мәзірі)» атты  тақырыбында халықпен жиын өтті.

Жиын барысында ауылдық округ әкімі Жұматаев Бауыржан, ақсақалдар алқасының төрағасы Дәулетов Жамбыл, Байзақ аудандық «Байзақ баба» мешітінің наиб имамы Сағымбаев Бақтыбек құдайы аста ысырапқа жол бермеу тақырыбын кеңінен талқылап, дәстүріміздің дінмен сабақтастығы туралы жан-жақты айтты. Сонымен қатар, қазіргі таңда кейбір жағдайларда орын алып жүрген ысырапшылықтың алдын алу, қарапайымдылық пен шариғат талаптарына сай рәсімдер өткізудің маңыздылығына тоқталды.

Кездесу соңында ауыл тұрғындары тарапынан қойылған сауалдарға жауап беріліп, ашық пікір алмасу болды. Жиынға қатысушылар мұндай игі шаралардың алдағы уақытта да жалғасуына ниет білдірді.