Жамбыл облысы Байзақ ауданының бас имамы Қанат Әділханұлы IV аймақ имам-молдаларына «Лудомания ғасыр дерті» тақырыбында дәріс оқып, онымен күресудің жолдарын айтып өтті.

         Қанат Әділханұлы насихатында: «Бүгінде елімізде құмар ойындарынан келетін қауіп үлкен қатерге айналып отыр. Заман талабына сай боламыз деп кей-кейде ойдың ұшқырына батып, желі ойындарының құрбаны болып бара жатқандаймыз шындық. Мұндай ойын түрлері күннен күнге түрленіп, адам мен қоғамға үлкен зардабын тигізіп отырғаны айдан анық. Жасыратыны жоқ, құмар ойын адам баласын өз-өзіне қол жұмсау, бір-бірін өлтіру, ажырасу, ұрлық-қарлық, зорлық-зомбылық, қарызға бату сияқты халдерге де жеткізуде.

Бұдан да сорақысы құмар ойынға еліктеушілердің арасында өз әйелін, үйін, отбасын, көлігін, дүние мүліктерін және басқа да қажеттіліктерін бәске тігушілер де көптеп кездеседі. Осының салдарынан қаншама жанұяның шаңырағы шайқалып, бейкүнә балалар жапа шегуде. Лудомания, немесе ойын құмарлық, гэмблинг – «субъекттің өмірінде басым рөл ойнайтын, әлеуметтік, кәсіби, материалдық және отбасылық құндылықтардың төмендеуіне әкелетін патологиялық ойынқұмарлық. Аурулардың халықаралық классификациясы бойынша лудомания психологиялық аурулар тізіміне енгізілді.

АҚШ-тың құмар ойындар проблемаларымен күрес жө­ніндегі қауымдастықтың зерт­теуіне сүйен­­­сек, әлемдегі кез келген қа­ла тұр­­ғынының аяқ ас­тынан қыл­­­мыс­керге айналуы 6% болса, мас­­күнемге айналуы – 34%, нашақорлыққа салынуы 32%-ды көрсетсе, ойынқұмар бо­луы 48%-ға жетеді екен. Демек адам құмар ойынға әп-сәт­те тәуелді болып қалуы мүм­кін, оның елік­тіру күші есірткіден де асып түсіп тұр. Көптеген дамыған мемлекеттерде лудоманияны емдеуге арналған емдеу орталықтары бар», - деді.