1 маусым – Балалар күніне орай, Ақтөбе ауылында ерекше қуаныш пен шаттыққа толы іс-шара ұйымдастырылды. Бұл игі бастама ауыл азаматтарының, Аналар қоры мен мешіт жамағатының демеушілігімен өтті.

Мерекелік шара барысында балаларға балмұздақ, тәтті сусындар, түрлі сыйлықтар таратылып, қуанышты көңіл күй сыйланды. Сонымен қатар, ауылымыздың наубайханасы да бұл күнге өз үлесін қосып, наубайхана иесі балаларға тегін тәтті бәліштер ұсынды.

Іс-шараны өткізуге жалпы 150 000 теңге көлемінде қаражат жұмсалды. Бүгінгі балалар келешек ұрпағымыз. Осындай мейірім мен қамқорлыққа толы күндер ауылдағы бірлікті, бауырмалдықты тағы бір мәрте айқындап берді.

Шу аудандық “Жәми” мешітінің баспасөз қызметі.