“Мұхтар Әуезов” атындағы мектепте “Нәметбай” мешітінің ұйымдастыруымен жүрекке жылу сыйлаған рухани жиын өтті. Шараға мектеп ұстаздары, ата-әжелер, дін өкілдері мен жамағат өкілдері қатысты.

Жиналыс барысында Алланы еске алып, насихат сөздер айтылып, өмірден өткен ата-бабаларымызға Құран бағышталды. Аталмыш мешітің имамы қатысушыларға имандылық, сабыр мен шүкіршілік жайлы уағыз айтып, жастарға өнегелі сөздерін арнады.

Осындай игі шаралар – жамағат арасындағы бірлікті арттырып, ұрпаққа рухани тәрбие берудің маңызды жолы.

Тараз қалалық “Әулие-ата” мешітінің баспасөз қызметі.