Шақпақ ауылына кіре берісте, халықаралық маңызы бар Батыс Қытай – Батыс Еуропа автодәлізінің бойында, туған жердің абыройын асқақтататын ерекше ескерткіш – заманауи стелла бой көтерді. Бұл – туған жерден түлеп ұшқан, мектеп бітіргендеріне 40 жыл толған түлектердің елге деген шынайы құрметінің белгісі.

Көз тартарлық сәулетті стеллада «Шақпақ ауылдық округі» деген атау алтын әріптермен жазылып, биік тұғырда қанатын кеңге жайған қыран бүркіт бейнеленген. Бұл – еркіндік пен өр рухтың, биік мұраттар мен ауылға деген перзенттік борыштың символы.

Батыс Қытай – Батыс Еуропа дәлізімен күн сайын мыңдаған жолаушы өтеді. Енді олар Шақпақ ауылының рухын танытатын осы заманауи стелланы көріп, бұл өңірдің мәдениеті мен тарихы терең, болашағы зор екеніне көз жеткізеді. Бұл — туған жерге деген адалдықтың, ұрпақтар арасындағы рухани үндестіктің жарқын үлгісі. Ауыл молдасы Көпбосынұлы Пернебек және зиялы қауым өкілдері, қариялар батасын берді.

Жуалы аудандық мешітінің баспасөз қызметі.