Шу ауданына жасаған сапары аясында Қазақстан Мұсылмандары Діни Басқармасының РАНТ мүшесі, Алматы орталық мешітінің наиб имамы Қуаныш Тоқсанбайұлы аудандық орталық «Жәми» мешітінің жамағатымен кездесіп, пәтуа сағатын жүргізді.

Ұстаз уағыз барасында Пәтуаларды насихаттау арқылы халықтың діни сауаттылығын арттырып, түрлі жат ағымдардың әрекеттерінен сақтанамыз»- деп атап өтіп, пәтуалармен танысудың аса маңызды екендігін жеткізді.

Намазға жиналған жамағатпен ашық сұхбат форматында пәтуа беру мәселесіне қатысты сұрақ-жауап айдары ұйымдастырылды. Білікті ұстаз діни тұрғыда маңызды мәселелерге қатысты нақты әрі түсінікті жауаптар беріп, жамағаттың көкейіндегі сұрақтарға жан-жақты тоқталды.

Шу аудандық «Жәми» мешітінің баспасөз қызметі.