Қызылдихан ауылы "Махат ата" мешітінің молдасы Ескендір Чалиев, ауыл әкімі мен ақсақалдарының қатысуымен болған  Ұлы Отан соғысына қатысқан бабалар рухына тағзым" шарасында ата- бабаларымыздың әруағына Құран оқып, бағыштады.

Отанын қасық қаны қалғанша қорғаған батырларымыздың ерліктерінің арқасында осынау бейбіт күнімізге қол жеткізіп отырмыз. "Адамға алғысы жоқтың, Аллаға шүкірі жоқ" дегендей әрқашанда кең-байтақ жеріміз бен бейбіт еліміз үшін ата-бабаларымыздың алдында борышты екенімізді ұмытпауымыз керек. Оларды қашанда еске алып, арттарынан Құран бағыштап, Алладан жарылқау тілеп жүрсек, ізгі салиқалы ұрпақ екенімізді дәлелдеген боламыз. Біздің ұрпақтарымыз бізден де жарқын әрі жақсы ғұмыр кешкенін Алладан тілеп, ата- бабамызға алғыс ретінде дұғамыздан тастамағанымыз жөн. Алла Тағала игі шарамызды қабыл етсін!

Жамбыл ауданы орталық мешітінің баспасөз қызметі