Гродиково ауылы,  "Арынғазы" мешітінің ұстазы Уншарбаев Малик діни сауатын ашқысы келетін ауыл тұрғындарына ақшам дәрістерін үздіксіз өтіп жүр. Әсіресе ауыл жастарын бос уақыттарын тиімді пайдаланып, болашаққа дұрыс бағыт- бағдар беру үшін ақшам дәрістеріне тартуда.

Имандылықтың ұйытқысы болған ауылда жастардың мешіт ұстазына деген ықыласы ерекше. Ұстаз жастарды өзегі дін болған дәстүрлі тәрбиеге баулып, мешіттің түрлі шараларында ұстазға қол ұшын беріп, ризашылықтарын білдіріп жүреді. Жастарымыз дәрістерде ұстазды ынта- шынтасымен тыңдап, алған білімдерін, іні-бауыр, қарындастарына үйретіп, мешітке шақырып жүреді.

Әрине ақшам дәрістеріне жастармен қатар аға буынның да өкілдері өз кезегінде қатысып тұрады. Имандылық ұялаған мекенде ынтымақ пен береке тұрақты болары хақ. Ұстаздарымызға осы жолда сәттілік серік болғай!

Жамбыл ауданы орталық мешітінің баспасөз қызметі