ҚМДБ–ның Жамбыл обылысы бойынша Пәтуа бөліміне жауапты Әбдіқадыр Дәуітұлы ұстаз  іс-сапар барысында Меркі ауданындағы «Қарабала Төре» мешітінде жұма намазын өткізіп, жамағатқа «Неке және оның маңыздылығы» тақырыбында насихат айтты.

Әбдіқадыр ұстаз: «Жаратқан Алла қасиетті Құранда:«Сондай-ақ Оның (құдіретінің шексіздігін көрсететін) айқын дәлелдерінің бірі – оларға бауыр басып, жандарың жай тапсын деп, сендер үшін өз болмыстарыңнан жұбайлар жаратып, араларыңа сүйіспеншілік һәм мейірім сезімін ұялатқандығы. Міне, осының өзінде ақылға салып ойланатын қауым үшін айқын дәлелдер мен талай ғибрат бар», – деген («Рум» сүресі, 21-аят).

Ардақты Пайғамбарымыз (оған Алланың салауаты мен сәлемі болсын) өзінің хадисінде:«Некелесу – менің сүннетім. Кімде-кім сүннетімнен бас тартса, менен емес. Үйленіңдер. Өйткені мен қиямет күні өзге үмбеттердің алдында сендердің көптіктеріңді мақтан етемін. Кімде-кім үйленуге шамасы жетсе, үйленсін. Үйленуге шамасы келмесе, ораза ұстасын. Өйткені ораза ол үшін қалқан болады» - деп жамағатқа уағыз – насихат айтты.

Меркі аудандық «Меркі ата» мешітінің баспасөз қызметі