«Һибатулла Тарази» мешітінің наиб имамы Нұрлан Мұрат Меркі ауданындағы «Достық» мешітінде жамағатқа «Неке және оның маңыздылығы» тақырыбында жұма  уағызын айтты.

Уағыз барысында Нұрлан имам: «Неке сөзінің негізі – «никах» деген араб тілінен енген сөз. Тілдік мағынасы бірігу, қосылу дегенді білдіреді. Шариғаттағы терминдік мағынасы – ер мен әйелдің төсек жақындығын адал ететін, әрі ортақ өмір кешіп, ұрпақ жалғастыруды қамтамасыз ететін  келісім шарт. Ал шариғатта үйленудің үкімі – бекітілген сүннет, яғни Пайғамбарымыздың (оған Алланың салауаты мен сәлемі болсын) істеген ісі.

Ардақты Пайғамбарымыз (оған Алланың салауаты мен сәлемі болсын)хадисінде былай деген: «Некелесу – менің сүннетім. Кімде-кім сүннетімнен бас тартса, менен емес. Үйленіңдер. Өйткені мен қиямет күні өзге үмбеттердің алдында сендердің көптіктеріңді мақтан етемін. Кімде-кім үйленуге шамасы жетсе, үйленсін. Үйленуге шамасы келмесе, ораза ұстасын. Өйткені ораза ол үшін қалқан болады» - деп адал некенің маңыздылығы турасында уағыз-насихат айтты

Меркі аудандық «Меркі ата» мешітінің баспасөз қызметі