Табиғат – Алла Тағаланың берген үлкен нығметі.  Адам да табиғаттың бір бөлігі болғандықтан,  жер бетінде дұрыс өмір сүруі үшін адамзат табиғатты аялап, қорғап, оны ластаудан, қажетсіз қалдықтарды тастаудан аса сақ болуы қажет.  Қоршаған ортаны таза ұстау, оны ластамау   әр адамның міндеті. 

Мұсылман адам дене,  киім тазалығымен қатар,   үйінің,  ауласының, көпшілік жүретін қоғамдық орындардың да таза болуына аса мән беруі  тиіс. Тазалық барлық орындарда табылуы қажет. Қордай ауданы, Қаракемер ауылы «Қаракемер 2» мешіті имамы Данияр Сәрсебекұлының ұйымдастыруымен  қабырстанға зиярат және сенбілік жасалды. Дүниеден өткен жандарға Құран оқылып, дұға жасалып, құрмет көрсетілді. Барша қол ұшын берген жамағатқа Алланың жәрдемі мен көмегі болсын!

Аудандық «Қордай» мешіті баспасөз қызметі