Жуалы ауданы, Боралдай ауылдық округіне қарасты Рысбек батыр ауылындағы «Үрзада апа» мешітінде сенбілік санитарлық жұмыстар өтті. Мешіт жамағаты бір жағадан бас, бір жеңнен қол шығарып, қасиетті мекеннің тазалығына атсалысты.

Мешіттің айналасы тазаланып, бау-бақша орны жыртылып, өңделді. Көгалдандыру жұмыстары аясында гүл ұрықтары егілді. Бұл – имандылық ордасына жасалған құрмет қана емес, табиғатты аялаудың, қоршаған ортаға жанашырлықпен қараудың жарқын үлгісі.

Жуалы аудандық мешітінің баспасөз қызметі