Жамбыл аудандық «Бәйдібек» мешітінің бас имамы Дәурен Құттыбаев Айшабибі ауылындағы мешіт жамағатына жұма уағызын айтып, «Намазды мешітте оқудың артықшылығы» тақырыбын кеңінен түсіндірді.

Алла Тағала әмір еткен бес уақыт намаз – мұсылманның рухани тірегі, ал оны мешітте жамағатпен оқу – иманның көрінісі. Бас имам уағызында намазды жамағатпен оқудың сауапты тұстары жайлы хадистермен дәлел келтірді. Пайғамбарымыз (с.а.у.): «Кімде-кім азаншыны ести тұра ешқандай үзірі болмастан мешітке жамағатқа бармаса, оның жалғыз оқыған намазы қабыл болмайды» деген. Сондай-ақ, «Үйінен дәрет алып, мешітке қарай бет алған жанның әрбір қадамына күнәсі кешіріліп, дәрежесі көтеріледі» деген сүйінші хабарын жеткізген.

«Намаз – жәннаттың кілті, мешіт – берекенің мекені. Мешітке қарай басқан әрбір қадам – сауапқа толы сапар» дей келе, имам жамағатты Алланың үйін көркейтіп, парызын жамағатпен өтеуге, ауызбіршілік пен ынтымаққа үндеді.

Жайна Бекназарова
Жамбыл аудандық «Бәйдібек» мешітінің баспасөз қызметі