Бірлік ауылының тұрғындары тағы бір сауапты іске куә болуда. «Бірлік» мешітінің имамы Медет Жұматайдың бастамасымен мешіт аймағына жаңа дәретхананың құрылысы басталды. Бұл игі іс ауыл тұрғындарының, әсіресе жастарының ұйымшылдығы мен жанашырлығын тағы бір мәрте дәлелдеді.

Құрылыс жұмыстарына белсене қатысып жатқан жастарға мешіт имамы өз батасын беріп, алғыс білдірді. «Сауапты іске атсалысқан әрбір азаматтың амандығын тілеймін. Бұл – тек мешітке емес, бүтін ауылымызға ортақ игілік», – деді Медет Жұматай.

Шу аудандық «Жәми» мешітінің баспасөз қызметі.