Жамбыл облысы Жуалы ауданы Толымбайтегі “Зиябек” мешітінде ұстаз Клара Диханбайқызының ұйымдастыруымен әйел жамағатына ауызашар берілді.

Шара барысында “Рамазан айының артықшылықтары”, “Қадір түнінің қадір-қасиеті”, “Қадір түнін қалай өткізу керек және қандай ғибадаттар жасауға болады?” тақырыптарында уағыз-насихат айтылып, жамағат арасында сұрақ-жауап өткізілді.

Сонымен қатар, Құран хатым оқылып, дұға жасалды. Бұл игі бастама жамағаттың рухани бірлігін арттырып, қасиетті айдың маңызын тереңірек түсінуге ықпал етті.

Жуалы аудандық мешітінің баспасөз қызметі