Тараз қаласындағы «Әзірет Әли» мешітінің имамы Есет Таласбай демеушілік жасап, мұқтаж 20 отбасыға азық-түлік себетін үлестірді. Қайырымдылық шарасына жалпы 300 000 теңге қаражат жұмсалды.

Игі іске куә болған ауыл тұрғындары шынайы ризашылықтарын білдіріп, мешіт ұжымы мен демеушілерге ақ батасын берді. Олар осындай сауапты істердің көптеп ұйымдастырылып жатқанына қуанып, алғыстарын айтты.

Айта кетейік, «Әзірет Әли» мешіті қайырымдылық шараларын тұрақты түрде өткізіп келеді. Осындай ізгі амалдар мұқтаж жандарға демеу болып, қоғамдағы мейірімділік пен бірлікті нығайта түсуде.

Тараз қалалық «Әулие ата» мешітінің баспасөз қызметі.