Бүгін Жамбыл облыстық "Һибатулла Тарази" мешітінде "Менің алғашқы оразам" жобасы аясында студенттерге арналған ауызашар ұйымдастырылды.

Игі шараға мешіт имамдары, ұстаздар және жастар жамағаты қатысып, Рамазан айының маңыздылығы мен оразаның берекесі жайында тағылымды әңгіме өрбіді. Жиналған студенттер рухани сұхбат тыңдап, өздерін толғандырған сұрақтарға жауап алды.

Ауызашар соңында жамағат бір-біріне ізгі тілектерін білдіріп, осындай сауапты шаралардың жиі ұйымдастырылуына тілектестіктерін жеткізді.

Ақерке БЕКҚҰЛОВА

"Һибатулла Тарази" мешітінің баспасөз қызметі