Жамбыл облысының бас имамы Асқар Сатылғанов Қордай ауданы әкімінің орынбасары Сақатов Бақыт Оңласынұлымен кездесті.

Кездесу барысында облыс бас имамы аудан басшылығын қасиетті Рамазан айының басталуымен құттықтап, айлардың сұлтаны саналатын берекелі айдың маңыздылығы туралы сөз қозғады. Сонымен қатар, Рамазан айында атқарылып жатқан қайырымдылық шаралары мен мешіттердегі діни ахуалға қатысты пікір алмасып, ынтымақтастықты одан әрі нығайту жолдары талқыланды.

Өз кезегінде аудан әкімінің орынбасары да жылы лебізін білдіріп, қоғамдағы тұрақтылық пен рухани құндылықтарды дәріптеудегі имамдардың еңбегін жоғары бағалады.

Кездесу өзара ынтымақтастық пен ортақ мүдделерге негізделген сұқбат форматында өтті.

Ақерке БЕКҚҰЛОВА,
"Һибатулла Тарази" мешітінің баспасөз қызметі