14 наурыз – Көрісу күніне орай "Төртбай ата" мешітінің имамы Түзелбаев Зульфухардың ұйымдастыруымен ләңгі тебуден ауыларалық жарыс өтті.

Бұл іс-шара ҚМДБ-ның 35 жылдығына орай ұйымдастырылып, мақсаты – ұмыт қалған ұлттық құндылықтарды жаңғырту және жастар арасында насихаттау болды. Жарыс жоғары деңгейде өтіп, жүлдегерлерге қаржылай сыйлықтар, кубок және алғыс хаттар табысталды.

Жарысқа арнайы келген ауыл әкімі Мұратхан Рысдәулетов пен ақсақалдар алқасының мүшесі Зунимов Дүйсен қатысушыларға жылы лебізін білдіріп, іс-шараның маңыздылығын атап өтті.

"Төртбай ата" мешітінің баспасөз қызметі.