Қордай ауданы әйел-қыздар сектор басшысы Эльмира Аманқожақызының ұйымдастыруымен Қасиетті Рамазан айы құрметіне орай «Берекелі ай – Рамазан» атты рухани кеші болып өтті. Жиынды арнайы шақыртумен келген аудан бас имамы Алмуханбет Айтмуханұлы  Құран аятын оқумен ашып берді. Жиынға келген әйел-қыздар жамағатын айлардың сұлтаны «Рамазан» айымен  құттықтап, осы айды пайдалы, берекелі өткізу  шарттарын айтып түсіндірді. Бас имам өз сөзінде кешке жиналған барша қауымға «Ата-ананы құрметтеу – перзент негізі» және «Отбасы құндылықтары»  атты тақырыбында уағыз-насихат айтып, өз насихатына ата-енені сыйлау жайында да тілге тиек етіп өтті.

Дәстүрі мен дінін бірге дәріптеген Әжелер алқасы мүшелері «Жақсы әйел үй дәулеті, Жақсы шапан той дәулеті» - деген мақалға сүйене отырып аудан бас имамына алғыс айтып, үстіне шапан жауып, басына бөрік кигізді.

Аудандық «Қордай» мешітінің баспасөз қызметі