Қасиетті Рамазан айының құрметіне орай Сәду Шәкіров ауылында ауқымды қайырымдылық шарасы ұйымдастырылды. "Байтоқты баба" мешітінің имамы Оспанов Бақдәулеттің ұйытқы болуымен және ауыл кәсіпкерлерінің қолдауымен өткен игі іс-шарада әлеуметтік жағдайы төмен 100 отбасыға азық-түлік пен жеміс-жидек, көкөністер таратылды.

Әр отбасыға берілген азық-түлік себетінің құны 30 000 теңгені құрап, жалпы қайырымдылыққа 3 000 000 теңге қаржы жұмсалды. Өз кезегінде, Бақдәулет имам сауапты іске атсалысқан барша кәсіпкерлер мен ауыл азаматтарына шынайы алғысын білдіріп, жасаған амалдарының қабыл болуын тіледі.

"Байтоқты баба" мешітінің баспасөз қызметі