Қасиетті Рамазан айының қарсаңында «Ішімдіксіз Рамазан» жобасының аясында  Меркі ауданына қарасты имамдар кәсіпкерлерді қасиетті Рамазан айында арақ-шарап ішімдіктерін сатпауға шақырды.

Аудан және ауыл имамдары  әр дүкенді зиярат етіп, дүкен иелеріне: "Арақ-шарап ішуден де, сатудан да, біздің асыл дініміз қайтарған. Сол себепті Рамазанда  арақ сатпаңыздар қасиетті айға құрмет ретінде"  - деп насихат жұмысын  жүргізді. 

Ескерту мұсылмандарға пайда береді демекші, дүкен иелері  Рамазан айында арақ-шарап сатпауға келісім берді. Кейбір дүкен иелері мүлдем ішімдік атаулыдан бас тартыпты. 

Алланың елшісі (оған Алланың игілігі мен сәлемі болсын) былай дейді: «Арақ он түрлі қырынан қарғысқа ұшырады: арақтың өзі, оны ішуші мен құйып беруші, сатушы мен сатып алушы, дайындаушы мен дайындатушы, әкелуші мен әкелдіруші және арақтан түскен пайданы жеуші Алла тарапынан қарғысқа ұшырады» ( Абу Дауд, Ахмад, Ибн хиббан).

Алла Тағала қасиетті айда ішімдік сатудан бастартқан барша кәсіпкерлеріміздің ниеттерін қабыл етіп, істеріне, отбастарына береке берсін!

Меркі аудандық "Меркі ата" мешітінің баспасөз қызметі.