Қасиетті  Рамазан айының қарсаңында   Меркі аудандық «Меркі ата» мешітінің бас имамы Азамат Берікұлының тапсырмасымен ауданға қарасты барлық мешіттерде тазалық жұмыстары өткізілді.

Аудан және ауыл мешітінің имам-ұстаздары бастап, жамағаты қоштап мешіттің іші-сыртын, ауласын, дәретханасын айнадай қылып тазалық жұмыстарын атқарды.

Ислам мен тазалық екеуі егіз ұғымдас. Алла Тағала «Бақара» сүресінің 222-аятында: «Сөзсіз Алла тәубе еткендер мен тазалағандарды жақсы көреді», – деп, тазалықты мадақтайды. Қасиетті Құран мақтаған нәрсе, қай заманда да пайдалы, адамның екі дүниесіне өлшеусіз, өміршең сауап әкеледі деген сөз. Ардақты Пайғамбарымыз ( Алланың игілігі мен сәлемі болсын )  « Тазалық - иманның жартысы» - деп бекер айтпаса керек.  

Меркі аудандық  «Меркі ата» мешітінің баспасөз қызметі