Тараз қаласындағы «Әл-Фирдаус» мешітінің жанынан жамағатқа қызмет көрсететін діни дүкен ашылды. Мұнда діни атрибутикалар, иіссу, намазға арналған түрлі киімдер мен діни кітаптар сатылымға қойылған.

Салтанатты ашылу рәсіміне мешіт имамы Ержан Кәдірханұлы қатысып, дүкен иелерінің игі бастамасына алғыс білдірді. Сонымен қатар, ол бұл сауапты істің өркендеуіне және алдағы жобалардың сәтті жүзеге асырылуына тілек білдірді.

Жаңа дүкен мешітке келуші жамағатқа пайдалы қызмет көрсетіп, рухани қажеттіліктерін өтеуге септігін тигізбек.