Тараз қаласындағы «Әл-Фирдаус» мешітінің шәкірттері Ержан Кәдірханұлы имамның ұйымдастыруымен тәжуид ережелерін толық аяқтап, Құранға түсті.

Шәкірттерге уағыз-насихат айтылып, Құран оқылып, тауассуль жасалды. Жамағат дініміз бен мемлекетіміздің қуаты артып, әр адамның отбасы мен қоғамымызға береке орнасын деп дұға тіледі. Құранға түскен шәкірттерге кітаптар сыйлыққа берілді.

Құран – Жаратқанның тура жолы әрі хаққа бастар нұр. Ол – соңғы пайғамбарлықтың құжаты, ханиф (тура) діннің тілі әрі Ислам шариғатының ата заңы.

Абдуллаһ ибн Масғуд былай дейді:
«Кімде-кім Құранды сүйсе (жақсы көрсе), Аллаһ пен елшісі де ол адамды сүйеді. Кімде-кім Аллаһ пен елшісінің сүйіктісі болуды қаласа, онда өзінің Құранды қаншалықты сүйгеніне қарасын».

Алла Тағала Құранға деген махаббатымызды арттырып, оны өміріміздің темірқазығы еткей!