Тараз қаласының «Ар-Рахман Ар-Рахим» мешітінде 50 000 теңге көлемінде екі отбасыға азық-түлік таратылды. Игі істі мешіт имамы Ембергенов Амангелді қолға алып, мұқтаж жандарға қолдау көрсетудің маңыздылығын насихаттады.

«Өмірде қандай да бір игілікті, қайырымды істеріміздің сыйы – Алла тағаланың жәннаты екенін жадымыздан шығармай, соған амал етуіміз қажет», – деді ол.

Алла Тағала қасиетті Құранның Сәбә сүресінде:
«Алланың жолында не жұмсасаңдар да, Алла тағала міндетті түрде оның орнын толтырады», – деп баян етеді.

Сондай-ақ, Пайғамбарымыз Мұхаммед (с.ғ.с): «Жақсылық жасаңдар, қайырымды болыңдар!» – деп өсиет еткен.  Бес күндік пәни дүниеде қайырлы іс жасап, көпбалалы отбасыларға, балалар үйіне, қарттар үйіне ерекше көңіл бөлейік!