Қайырымдылық шарасы барысында Қуаныш Исмаилов пайғамбарымыздың хадисін еске салды: «Көршісі аш болып, өзі тоқ болған адам бізден емес». Осы хадисті негізге ала отырып, мұқтаж жандарға көмектесу, оларға жәрдемдесу арқылы Алланың разылығына бөлену – мұсылманның басты міндеттерінің бірі екенін атап өтті.

«Жақын көршілерімізге немесе қиындық көріп жүргендерге жәрдемдесу – сауапты іс. Мұқтаждарға көмек көрсету арқылы біз олардың алғысына бөленіп қана қоймай, өзімізге де шынайы рухани тыныштық сыйлаймыз», – деді молда.

Бұл игі шара ауыл тұрғындарына үлгі болып, жақсылықтың жарық жолын көрсетті.