Мойынқұм ауданы, Жамбыл ауылдық округінде орналасқан "Жексенбай ата" мешітінің имамы Бадықов Ұзақбай ауыл азаматтарымен кездесу өткізді. Кездесу "Бірлік жақсылыққа бастар жол" тақырыбында өрбіді.

Кездесу барысында имам қазақ халқының "Бірлік бар жерде тірлік бар" деген даналығын тілге тиек етіп, ынтымақтың маңыздылығын ерекше атап өтті. Оның айтуынша, бірлік болған жағдайда кез келген істің алға басуы және жетістіктерге жету мүмкіндігі артады.

Ислам діні де бірлікке шақыратыны белгілі. Құранда Алла Тағала: "Алланың жібінен мықтап ұстаңдар да, одан ажырамаңдар" деп бұйырады. Осындай аяттар мен хадистер мұсылмандарды бөлінуден сақтанып, бірлікте болуға үндейді. "Алла бізді бөлінуден сақтасын" деп тілейік!

Мойынқұм тілшісі