Жамбыл облысы Қордай ауданы Аудандық Қордай мешіті ұстазы Эльмира Аманқожақызының ұйымдастыруымен Қордай ауылындағы қайта өңдеуден өткен «Нұр Ислам» мешітінің тазалығы жасалды. Мешіттің ішкі-сыртының тазалығына әйел-қыздар жамағаты белсенділік танытып, атсалысты. Бұл игі іс-шара мешіттің қасиетті орнын сақтау, оны таза әрі жайлы ету мақсатында ұйымдастырылды.

Тазалық жұмыстары барысында жамағат мешіттің кілемдерін қағып, шаң-тозаңнан арылтып, терезелер мен есіктерді жуды. Сондай-ақ, мешіттің ауласындағы қоқыстар жиналып, абаттандыру жұмыстары жүргізілді. Әрбір қатысушы бұл істің сауапты екендігін түсініп, ынтамен еңбек етті.

Ұйымдастырушылар бұл шараның тек тазалық үшін ғана емес, сондай-ақ әйел-қыздар жамағатының арасында бірлік пен достықты нығайтуға септігін тигізгенін атап өтті. Эльмира Аманқожақызы мұндай игі шаралар алдағы уақытта да жалғасын табатынын жеткізіп, қатысушыларға алғысын білдірді.

Игі бастамаға қатысушылар өз ризашылықтарын білдіріп, мешіттің көркеюіне үлес қосқандарына қуанышты екенін айтты. Мешіт тазалығы – әрбір мұсылманның ортақ міндеті екенін түсінген жамағат бір-біріне қолдау көрсетіп, осындай іс-шаралардың маңыздылығын атап өтті.