Жамбыл облысы Қордай ауданы Аудандық «Қордай» мешіті ұстазы Эльмира Аманқожақызының ұйымдастыруымен шәкірттер, әжелер алқасы мүшелері ауданымызда «Әжелер аманаты» атты байқауға қолдау көрсетіп, Қордай ауданы атынан көрермен болып қайтты. Байқауға ауданымыздағы  әжелерден құралған 5 топ қатысты. Олар: «Қордай», «Әлжан ана», «Қақпатас», «Ноғайбай», «Цемзавод» әжелер алқасы мүшелері.

Бұл байқау әжелер арасындағы ұлттық құндылықтарды насихаттауға және ұрпақ тәрбиесіне үлес қосу мақсатында ұйымдастырылды. Шара барысында әжелер әртүрлі тапсырмалар орындап, өздерінің өнерлерін, шеберліктерін және даналықтарын көрсетті. Әжелер байқауы бірнеше кезеңнен тұрды, соның ішінде ұлттық тағамдар әзірлеу, өнер көрсету, қолөнер бұйымдарын жасау және салт-дәстүрлерге қатысты сұрақтарға жауап беру болды.

Шара соңында байқаудың жеңімпаздары мен қатысушылары арнайы алғыс хаттармен және сыйлықтармен марапатталды. «Әжелер аманаты» байқауы жас ұрпаққа рухани тәрбие беріп, қазақ халқының бай мәдениеті мен салт-дәстүрлерін жаңғыртуға үлкен үлес қосты.