Жамбыл облысы Байзақ ауданына қарасты II аймақ имамдарына бас имам Қанат Әділханұлы «Ізгілікті насихаттау баршаға міндет» атты семинар өткізді.

Қанат Әділханұлы өз сөзінде: «Имандылық – ізгіліктің негізі», осы тақырыпты алған себебім – Абай атамыздың «Адам бойындағы болатын жақсы қасиеттердің барлығы мұсылман дінінен алуға болады. Шыны керек адалдыққа, кішіпейілдікке, имандылыққа, өтірік айтпауға, зорлық-зомбылық жасамауға, бірлік пен ынтымаққа, үлкендерді сыйлап құрметтеуге тәрбиелеудің бірден бір жолы – мұсылман дінін оқып білу, танысу» деген. Имандылық – адам бойындағы адамгершілік, ізгілік, кісілік белгісі. Имандылықты кім қалай түсінеді? Сабырлы, мейірімді, әдепті, қамқоршы, иманды, төзімді, шыншыл, отансүйгіш, арлы болу – нағыз иманды жанға тән мінездер», - деді.