ҚМДБ-ның діни білім және кадр даярлау бөлімінің меңгерушісі, РАНТ мүшесі Хасан Ташайұлымен, «Һибатулла Тарази» медресе колледжі директорының орынбасары Исатай Оразов медресе-колледжі студенттерімен және Құран қариларын даярлау орталығының шәкірттерімен кездесті. 

Кездесу барысында Хасан Ташайұлы жастарға діни білім алудың маңыздылығы мен сауатты дін қызметкері болудың жауапкершілігі туралы баяндады. Сонымен қатар, діни қызметтің ерекшеліктері мен қазіргі сын-қатерлерге дайын болу үшін жан-жақты білім алу қажеттілігін жеткізді. 

Исатай Оразов болса, медресе колледжінің білім беру бағдарламалары, оқу үрдісіндегі жаңашылдықтар және шәкірттерге көрсетіліп жатқан қолдау туралы ақпарат беріп, жастарды терең білім алуға, ұстаздарының ақыл-кеңесін тыңдауға шақырды.

Кездесу соңында студенттер өздерін қызықтырған сұрақтарын қойып, пайдалы кеңестер алды.