Меркі ауданының бас имамы Азамат Берікұлының бастамасымен жергілікті «Ас-Салям» қайырымдылық қорының қолдауымен Жамбыл облысы, Тараз қаласындағы «Һибатулла Тарази» медресе-колледжінің ұстаздары мен шәкірттеріне дастархан жайылып, ас берілді.

«Ас-Салям» қайырымдылық қорының қолдауымен ұйымдастырылған бұл шара шәкірттерге бауырмалдық пен жанашырлықтың маңыздылығын көрсетіп, олардың арасында өзара сыйластық пен түсіністікті арттыруға ықпал етті. Сонымен қатар, дастархан басында медресе ұстаздары шәкірттерге өмірлік тәлім-тәрбие беретін, рухани байытатын әңгімелер айтып, оларды ізгілік пен адалдыққа шақырды. Бұл іс-шара медресе студенттері мен ұстаздарының арасында достық қарым-қатынасты нығайтып қана қоймай, халықтың дін мен дәстүрге деген құрметін арттыруға бағытталған маңызды қадам болды», – дейді ауданның бас имамы Азамат Берікұлы.