Жамбыл ауданындағы «Бәйдібек» мешітінің бас имамы Дәурен Куттыбаев Мойынқұм аудандық спорт кешенінің жаттықтырушылары мен спортшыларымен «Дәстүрлі емес діни ағымдарға қарсы иммунитетті қалыптастыру және алдын алу» тақырыбында кездесу өткізді.

Тақырып жан-жақты талқыланып, түсіндірілді. Дәстүрлі дінді ұстану және насихаттау – әрбір мұсылманның міндеті. Қоғамды бөлшектеп, түрлі көзқарастар қалыптастыру, бабаларымыздың ұстанған дінінен алыстату қауіпті әрекет. Алланың дінін жеткізу – пайғамбарлардың сауапты ісі. Тура жолдан адаспау үшін білімге ие болу өте маңызды. Сауаттылық – осы мәселелердің шешімі. Алла бәрімізді тура жолдан айырмасын. Кездесудің соңында қатысушылардың сұрақтарына толыққанды жауаптар берілді. Шараға 60 адам қатысты.