ҚМДБ төрағасы, Бас мүфти Наурызбай қажы Тағанұлының тапсырмасына сәйкес Жамбыл облысының бас имамы Бейбіт Әліпбекұлы аудан имамдарының жиынын өткізді.

«Өздеріңіз білесіздер, соңғы кездері елімізде әлеуметтік желіде діни салаға қатысты түрлі бағытта сындар мен айыптаулар жазылуда. Әрине кез келген адам өзінің ісі мен жаласы үшін жауап береді. Біздің мақсатымыз - сол сындардан тиісті сабақ алып, дұрыс жұмыс жасауға, сөзіміз бен ісімізді түзеуге ден қоюымыз керек деп санаймын», – деген Бейбіт Әліпбекұлы Бас мүфтидің тапсырмасын имамдарға жеткізіп, басшылық тапсырмасына сәйкес аптасына бір рет онлайн жиналыс ұйымдастырылып тұратынын хабарлады. Сонымен қатар, аймақтағы діни мәселелерге баса назар аудару қажет екендігін айтты.