Меркі ауданы, Ақермен ауылы «Ғаббас» мешітінің имамы Алимбеков Дарханның ұйытқы болуымен  ауылдағы кәсіпкер Санат бауырымыз  бес  отбасыға бір тонна бидай өнімін үлестіріп берді.

Ұшыр – жерден шыққан өнімдерден берілетін зекет. Араб тілінде ұшыр «оннан бірі» деген мағынаны білдіреді. Жер өнімдерінен (егін және жеміс-жидек) зекет беру – парыз. Алла Тағала Құранда: «Уа, иман келтіргендер! Тапқан нәрселеріңнің және Біз сендер үшін жерден шығарғандарымыздың жақсыларынан (қайырға, зекетке) жұмсаңдар» ([1] «Бақара сүресі», 267-аят) десе, тағы бір аятта: «Жинаған күні ақысын (ұшыр садақасын) беріңдер» («Әнғам» сүресі, 141-аят) деген.

Көмек алған отбасылар ауыл имамы мен қайырымды жандарға өз алғыстырын білдіріп, рақметтерін айтты.