Қасиетті қадір түнінің қадірін түсінген Меркі ауданы, Қызылқыстақ ауылының тұрғындары қадір түнін мешітте өткізді. Қасиетті Рамазан айының қасиетті түнін ауыл тұрғындары мешітте құлшылықпен өткізді. Жамағатпен құптан мен тарауық намазы оқылып, соңынан дұға жасалды. Сәлден соң, мешітке келуші балалар арасында Құран жарысы ұйымдастырылып, оқ бойы озат шыққан шәкірттерге арнайы сыйлықтар табысталды. Артынша жамғат арасында сұрақ-жауап айдары ұйымдастырылып, дұрыс жауап берген жамағатқа сыйлықтар үлестірілді.

Жамағат қалған уақытарын намаз оқып, Алланы зікір етіп, Алладан жарылқау тілеп, Алладан дұға жасап өткізді. Сәресі уақытында аранйы мешітте жайылған дастарханда ауыз бекітіп, таң намазын жамағатпен оқып, үй-үйге тарқасты. Осы игі іске демеушілік жасап, қолдау көрсеткен барша кәсіпкер ағаларымызға Алла разы болып, істеріне береке берсін!

Алла Тағала осынау қасиетті Қадір түнінде жасаған құлшылықтарымызды, дұға, тілек, ниеттерімізді қабыл етіп, еселеп сауаптардан жазғай!

Меркі аудандық “Меркі ата” мешітінің баспасөз қызметі