Меркі ауданына қарасты барлық елді-мекен мешіттерінің имам-молдалары Меркі ауданы Бас имамы Азамат Берікұлының тапсырмасымен мешітке жиналған жамағатқа «Ислам дінін» кеңінен насихаттау жұмыстары жүріп жатыр.

Атап айтсақ, Құран аяттарының хикметі, ихсан ілімі, Ислам дінінің негіздері, шариғат ілімдері, қай уақыттан бастап шариғат бекіткен парыздар міндеттеледі, сенім мәселелері, Ислам әдебі және т.б. тақырыптарда уағыз-насихат жүргізіліп жатыр.

Сонымен қатар, шариғат мәселесінде туындаған сұрақтарын мешіт қызметкерлерінен сұрап білу керек екендігі айтылуда.

Азамат Берікұлы Алла Тағаладан имам-молдаларымыздың істеріне жеңілдік тілеп, қызметтеріне абырой-бедел тіледі. Имамдарымызға Алла өзі жар болсын!

Меркі аудандық «Меркі ата» мешітінің баспасөз қызметі