Жамбыл облысы Байзақ ауданы мешіттерінің жылдық есеп беру жиынында қайырымдылық шаралары мен діни рәсімдерді атқарып, рухани бағытта халыққа қызмет жасағандары үшін, ауданның барлық имам-молдаларына облыс наиб имамы Ғалымбек Төлегенұлы алғыс білдірді. Сонымен қатар, облыс имамы Бейбіт Әліпбекұлының жүрек жарды ізгі ниетін айтып, биыл діни қызметте белсенділік танытқан 7 дін қызметкерін облыс бас имамының алғыс хатымен марапаттады.
Алғыс хат «Тілеш қажы» мешітінің имамы Рахымбек Кенжебайұлы, «Ан-нағим» мешітінің ұстазы Айнұр Зулфикарқызы және осы мешіттің имамы Сейдали Тафилбекұлы, «Әбу Бакір Сыддық» мешітінің имамы Нұрдос Нұрғазыұлы, «Жантай ата» мешітінің имамы Бекжан Майданбекұлы, «Аққия» мешітінің имамы Қадірбек Әбенұлы және «Әбдікерімұлы Айдар» мешітінің имамы Бауыржан Жұмабайұлына табысталды.