Жамбыл облысы Тараз қаласында орналасқан «Һибатулла Тарази» медресе колледжіне Байзақ ауданы «Байзақ баба» мешітінің бас имамы Қанат Әділханұлы барып, медресе колледжде оқып жатқан Байзақ ауданынан шыққан студенттермен кездесті.
Кездесу барысында Қанат Әділханұлы: «Рухани қуатты халықтың болашағы жақсы болады. Еліміздің, ұлтымыздың болашағы жастардың қолында. Сіздер сапалы білім алумен бірге, рухани қуатты болуларыңыз да керек. Біздің міндетіміз – мешіттерімізді білімді кадрлармен қамтамасыз етіп, дініміз бен ділімізді насихаттау», - деген аудан бас имамы Қанат Әділханұлы шәкірттерді маман атанғаннан кейін, ауданға келіп, қызмет атқаруға шақырды.