Жамбыл облысының Меркі ауданында ауа райының қолайсыз болуына байланысты табиғи сипаттағы төтенше жағдай жарияланды. Қазір аталған аудан аумағынан өтетін республикалық маңызы бар жолдар жабық тұр.
Облыстық маңызы бар автожолдарда көлік құралдарының қозғалысына шектеу енгізілген. Жолынан қалғандар сол маңдағы дәмханалар мен мешітке, жылыту бекеттеріне орналастырылды.
Осы орайда, Меркі ауданы тұрғындары мен мешіт қызметкерлері жолда қалған жолаушыларға қаржылай және ыстық тамақ пен шәй дайындап, облыстық маңызы бар автожолдарда тұрып қалған көлік жүргізушілері мен жолаушыларға таратуда.
Осындай қиын жағдайда қалып кеткен жолушылар мен жүргізушілер аудан тұрғындарына алғыстарын білдіруде. Ауа райының қолайсыздығына байланысты, алыс жолға шықпауларыңызды сұраймыз!
Меркі аудандық «Меркі ата» мешітінің баспасөз қызметі